臨近每一年嘅年尾，聖誕節、農曆新年嘅氣氛越趨濃厚，派對Party活動一個接一個，少不免要玩下團體遊戲，搞笑一下提高熱鬧氣氛，今次小編就精選推介8個好玩又搞笑團體遊戲俾大家，等你哋可以更順利組織下一個開心Party活動！
好玩團體遊戲 1. 誰是臥底
團體遊戲 | 誰是臥底 | 適合7至10人一起玩
娛樂性極高嘅遊戲活動推介，比較適合7至10人，不過如果多人嘅話都可以分組別玩，將臥底逐個捉出黎，絕對係好玩又刺激嘅集體遊戲！不想自己預備紙仔詞句仲可以去Google Play Store搜尋‘’誰是臥底’’協助大家玩！
遊戲玩法：事先準備對紙仔，兩個詞語要係近似類別，例如：河粉 與 米粉，老虎 與 獅子，牛奶 同 豆漿。 。 。其中只有一張係不同嘅詞語就係臥底（多人玩可以加多啲臥底數量），其餘都係相同詞語，然後每個人依次在抽一張紙仔，當然臥底都不知自己係臥底啦！
大家抽好紙仔之後，每人可以依序發言，描述手持嘅詞語，當然又係不可以講出答案啦，描述嘅時候不可以畀我底發現！
每一輪發言完畢之後， 所有人投票選出懷疑嘅臥底，得票最多嗆人就出局！
好玩團體遊戲 2. 呯嘭嘩
呯嘭嘩 | 好玩團體遊戲 | 傳統集體Game
傳統集體遊戲呯嘭嘩好多人玩過，叫下嗌下簡單又好玩，喜歡大吵大鬧值得推介！
遊戲玩法：所有人圍圈，隨便找第一個發施號令嗆人，由佢開始遊戲。第一位開始嗆人隨意指著是但一個人嗌「呯」或「嘭」，分別如下…
被人指住「呯」了嘅人，就要指著其他人說「呯」或「嘭」。
被指住「嘭」了嘅人，就甚麼動作都不洗做，但被指人身旁嘅兩個人就要做「嘩」嘅動作。
好玩團體遊戲 3. 超級無敵大電視
團體遊戲 | 超級無敵大電視 | 獎門人經典遊戲
相信無論你係大人定小朋友，就算自己無玩過，應該都有看過電視綜藝節目玩「超級無敵大電視」，眾人搞笑肢體語言令你樂趣無窮！
遊戲玩法：各人分成兩隊，每隊派出一個負責估屏幕顯示的詞語，然後其他隊友輪流利用動作/ 口述俾提示，提示當然不可以包含答案嘅任何一個字啦，如果不是輸左。估計中最多果隊，就係勝出者。
好玩團體遊戲 4. 非洲話事啤酒
非洲話事啤酒 | 好玩團體遊戲 | 容易上手啤酒板Game
簡單嘅遊戲推介，容易上手，樂趣多多，多人集體玩一流！最開心莫過於睇住人受罰個一幕，話不定係你Party活動最難忘嘅回憶！
所需道具：撲克啤酒一副 (不含Joker)
遊戲玩法：每人獲派一張啤酒牌，但自己不能看那張牌並把該牌放在自己嗆額頭上，讓其他人都能夠睇到自己頭上嘅牌，然後各人就開始討論如何懲罰敗方，例如懲罰指定動作、飲酒、唱歌，只要想到就要做，拿出一個桶，每人斟酒一次，輸家就灌曬佢都不錯。
勝負條件: 最簡單的玩法係牌最小嗆人輸(葵扇煙最大，階磚2最細)，又可以是大家討論下游戲勝負條件，可以是黑牌輸、單數牌輸、最大嘅牌輸等等都可以…
好玩團體遊戲 5. 拍7
經典嘅多人集體遊戲拍7，想提高難度就可以由100倒數開始！
遊戲玩法：大家依序從100開始順序倒數,數到含有7或7嘅倍數就要拍手或指定動作
(例如:7,14,17等都不能數出)，下一人繼續數下面的數字。違反規則或忘記動作嗆人就需要受罰。
好玩團體遊戲 6. 收買佬
收買佬 | 好玩團體遊戲 | 適合小朋友玩
公司活動Team Building經常出現，其實都好適合小朋友Party派對玩架，可以考驗大家嘅團體合作性，增加凝聚力，搞笑又好玩！
遊戲玩法：
1 . 參加者分成兩組，多人嘅3組4組都可以，圍圈坐好，活動主持人在每組嘅旁邊放置一張椅子。
2 . 遊戲開始時，主持人會講出要收集嘅物品，每組參加者要將指定的物品放到自己組別嗆椅子上，鬥快收集到指定嘅物品！
3 . 收集得最快最齊嘅隊伍勝出！
好玩團體遊戲 7. 一蚊幾毫
團體遊戲 | 一蚊幾毫 | 熱身Game
簡單輕鬆嘅集體遊戲，作為Party活動開始之前，大家熱身一下都不錯！
遊戲玩法：
1. 分成男女兩組，男仔價值1蚊，女仔價值5毫子。
2. 主持人講出一個數字，男女組員依數字自由組合。例
如：4蚊，就是4男，2女3男或8女
3. 每次講出數字後，眾人要迅速成組
4. 入不到組的，就為輸家等懲罰
好玩團體遊戲 8. 數字球
數球 | 好玩團體遊戲 | O Camp必玩
學生讀書時代常玩嘅集體遊戲推介，入大學O Camp必玩之一，好玩之餘又可以營造輕鬆嗆氣氛！
需要道具：球體一個
遊戲玩法：
1 . 所有參加者圍圈企好，順序報數喊出，大家要記好自已嘅數字。
2 . 由1號參加者開始先，將球用力向上拋(不可向下拋得)，並同時喊出一個數字，如6號。
3 . 叫完6後，1號參加者就要返到自已原來嗆位置，6號參加者就要出來將個波接住，如成功接住個波，則可喊出另一個數字嗆參加者來接球。
4 . 如6號參加者未能成功將球接住，其他參加者就要立即離開，走得越遠越好。
5. 6號參加者係地下執返個波後要大喊「停」，號令其他跑緊嗆人停下來，之後要用球拋向其他參加者，如擲中其他人，就由其他人重新開始喊數字拋球；如擲不中，6號參加者就要接受懲罰。
