打破拜年悶局！齊齊玩手機Party Games至多FUN

新年快樂！新年嘅必備節目之一梗係去親戚朋友屋企拜年，不過當拜完年之後，一班人話題唔多啱傾或者無嘢講嗰陣都係習慣各自碌手機，所以用手機玩嘅 party games 就最啱打破悶局啦！小編即刻為你介紹 8 款拜年親戚朋友必玩嘅手機派對遊戲，等大家從遊戲中打破沉默，享受團聚嘅歡樂時光~

Party game推介 1：Wolvesville姨媽姑姐、表兄弟姊妹一年難得相聚拜年，一齊玩充滿神秘感嘅 「Wolvesville」 就最好不過，佢係一個充滿騙局同謊言嘅手機線上遊戲，一間遊戲房有 16 名玩家同時一齊玩。每個遊戲都會有唔同嘅組別，例如：村名，狼人等等，各組要為所屬組別戰鬥到底嚟取得勝利。同時你可以使用特別能力嚟揭發人哋嘅角色，以及說服大家嚟同你合作，無論你想好好保護村民或做個狠心嘅狼人，過程都一樣矚目驚心。

Party game推介 2：Mario Kart Tour任天堂公司嘅 「Mario Kart Tour」《瑪利歐賽車巡迥賽》，大人小朋友喺 Switch 或者 Wii 都一定玩過，今次手機版遊戲可以登錄好友或是附近嘅人一齊玩，最多可讓 8 名玩家進行對戰，一決高低。通過個人戰、團體戰、車速、道具欄數量等豐富規則中，享受多人遊玩嘅樂趣，仲可以利用各式各樣嘅道具嚟個大逆轉反敗為勝！

Party game推介 3：We Play-線上桌遊吧「WePlay-線上桌遊吧」係現今年輕人鍾意玩嘅語音社交桌遊App，因為佢可以同其他玩家一邊玩一邊傾計，App 內擁有幾款大熱人氣社交桌遊，包括社交推理遊戲「太空狼人殺」、考驗默契與畫功嘅「你畫我猜」、扮演綜藝藝員嘅「誰是臥底」、鬥快估歌仔嘅「嗨歌搶唱」，以及真相與謊言邏輯推理大作「狼人殺」等等。

Party game推介 4：UNO!「+2」、「+4」、「轉色」、「Reverse」，一聽就知大家玩緊 UNO!，手機版 UNO! 大家可以線上組隊、防疫不出門都可以輕易較量牌藝，UNO! 嘅經典模式、歡樂場或者自行定義場次都刺激萬分，錦標賽全新篇章、3D新場景、多人組隊模式最啱一家人、朋友聚會即時開檯。

宜家同朋友出黎玩都係打機為住啦，但係狼人殺真係唔好隨便同唔夠熟或者勝負心好重的朋友玩，好容易玩出火搞到大家都唔開心